आमच्या गुरूंवर आमची निष्ठा नाही! ~ परमपूज्य बाबा बेलसरे

आमच्या नातीला शाळेमध्ये बाईंनी सांगितलेले गणित चुकीचे असले तरी प्रमाण वाटते. दुस-या कोणी ते बरोबर करून दिले तरी ते पटत नाही. ते पाहून मला वाटले की आमच्या गुरूंवर आमची तेवढीदेखील निष्ठा नाही. श्रीमहाराजांनी सांगितले की 'तुम्ही नुसते नाम घ्या, बाकी सगळे मी करतो', त्यांनी हे आश्वासन दिलेले असूनही आम्ही 'पण' म्हणतो. हा पण म्हणजे संशय काढायलाच पाहिजे. उगीच इकडे जा तिकडे जा हे थांबवलेच पाहिजे. महाराज एकदा मला म्हणाले, 'मी जे सांगितले आहे त्यापेक्षा लोक जास्त तरी करतात किंवा कमी तरी करतात; मी सांगितलेले तेवढेच कुणी करत नाही'