आपल्याला श्रीमहाराज मिळाले म्हणजे अमूल्य हिरा मिळाला आहे! ~ परमपूज्य बाबा बेलसरे

नामापासून काही अपेक्षा न ठेवता नाम घेणारा फारच थोर असला पाहिजे. कारण परमार्थ करतो म्हणणारे सुद्धा नामाखेरीज इतर भानगडीत गुंतलेले दिसतात. म्हणून सावधानता बाळगून मार्गात (On the track) राहावे. मी एकदा श्रीमहाराजांना म्हणालो की, आपण किती लोकांच्या अंतःकरणात प्रेम लावून गेलात! हे ऐकल्यावर श्रीमहाराजांना एकदम भरून आले आणि ते म्हणाले, "जो मनुष्य येतो, तो वेगळा असे मला वाटतच नाही". आपल्याला श्रीमहाराज मिळाले, म्हणजे अमूल्य हिरा मिळाला आहे. तो मी चोवीस तास जपतो आहे, असे वाटले पाहिजे. अखंड नाम घ्यावे. ते काही अशक्य नाही. ती एक कला आहे असे महाराज सांगत.