वैखरीने नाम घेण्याला महत्त्व का? ~ परमपूज्य बाबा बेलसरे

श्रीमहाराजांना आपण नामावतार म्हणतो. 'अवतरण' म्हणजे वरून खाली येणे. परा वाणी हे नामाचे निजधाम आहे. भगवंत जसा निजाधामाहून खाली येतो- अवतार घेतो आणि अवताराचे कार्य झाले की निजधामाला परत जातो, तसे नाम परा वाणीतून वैखरी पर्यंत खाली येते आणि त्याचे कार्य (जीवाचा उद्धार) झाले, की पुन्हा परे पर्यंत परतते. म्हणून वैखरीने नाम घेण्याला महत्त्व आहे. "पुढे वैखरी राम आधी वदावा" असे समर्थांनी सांगितले आहे. श्रीमहाराजांनीही "दीनदास म्हणे सांगतो ते ऐका | अभ्यास वैखरी सोडू नका ||" असे म्हटले आहे.