खऱ्या साधकाच्या आड प्रकृती येत नाही!

श्रीराम. एकदा एका भक्ताने श्रीमहाराजांना सांगितले, "माझ्या तब्येतीला नेहमी काही ना काही होतच असते. काय करावे? मी अगदी बेजार झालो आहे." त्यावर श्री म्हणाले, "ज्याची प्रकृती कायम चांगली आहे, तो उत्तम साधक होणे कठीण आहे. खऱ्या साधकाच्या आड प्रकृती येत नाही. याचे उत्तम उदाहरण म्हणजे गुरुदेव रानडे. साधक कसा असावा हे त्यांच्याकडून शिकावे. त्यावर ती. बाबा म्हणाले, "गुरुदेव रानडे यांनी म्हटले आहे, की गेल्या ४० वर्षात मला असा एकही दिवस आठवत नाही की जेव्हा माझी प्रकृती चांगली होती. पण ते माझ्या साधनेच्या आड आले नाही." श्रीमहाराज नंतर म्हणाले, "त्याची इच्छा असेल तसे तो ठेवील, असे मनापासून वाटले पाहिजे." भक्ताचे समाधान झाले.

(सहज बोलणे हितउपदेश)